ટી-20 ત્રિકોણીય શ્રેણી નિદહાસ ટ્રોફીની રોમાંચક ફાઇનલમાં ભારતે બાંગ્લાદેશને 4 વિકેટે પરાજય આપી શ્રેણીમાં ચેમ્પિયન બન્યું છે. મેચના અંતિમ બોલ પર ભારતને જીત માટે 5 રનની જરૂરિયાત હતી ત્યારે ભારતીય બેટસમેન દિનેશ કાર્તિકે સૌમ્ય સરકારની ઓવરના અંતિમ બોલ પર સિક્સર મારી ભારતને ચેમ્પિયન બનાવ્યું હતું.
આ અગાઉ મેચ માં બાંગ્લાદેશે ટોસ હારી જઇને પ્રથમ બેટિંગ કરતા 8 વિકેટના નુકસાન પર 166 રન બનાવ્યા હતા. લક્ષ્યનો પીછો કરી રહેલી ભારતીય ટીમે 6 વિકેટના નુકસાન પર 168 રન બનાવી મેચ પોતાના નામે કરી લીધી હતી. આમ ભારતની આ બાંગ્લાદેશ સામે 8 મેચમાંથી 8મી જીત હતી. મેચમાં પોતાના સારા પ્રદર્શનને લીધે દિનેશ કાર્તિકને મેન ઓફ ધ મેચ જાહેર કરવામાં આવ્યો હતો.
દિનેશ કર્તીકે ધમાકેદાર બેટિંગ કરીને ૮ બોલ માં ૨૯ રન ફટકારીને ભારત ને શ્રેણી માં શાનદાર વિજય અપાવી હતી.
