જીવરાજ હોસ્પિટલથી વેજલપુર ગામ તરફ જવાનો રસ્તો મેટ્રો રેલનું કામ ચાલી રહ્યુ હોવાથી ૩૦ સપ્ટેમ્બરથી ૧૭ ઓક્ટોબર સુધી વાહનોની અવર જવર માટે બંધ રહેશે તે અંગે ટ્રાફિક પોલીસે જાહેરનામું બહાર પાડયુ છે. વાહનચાલકો જીવરાજ ચાર રસ્તાથી વેજલપુર ગામ તરફ , શ્યામલ તરફ જતા વાહનોએ ્ફ-૯ સામે પીલ્લર નંબર ૬૪-૬૫ વચ્ચેથી યુ ટર્ન લઇને વેજલપુર ગામ તરફ તેમજ શ્યામલ ચાર રસ્તા તરફ જઇ શકશે. બીજી તરફ, વેજલપુર ગામથી એપીએમસી માર્કેટ ચાર રસ્તા તરફ જતાં વાહનચાલકોએ પીલ્લર નંબર ૭૨-૭૩ના વચ્ચેના ભાગથી સીધા જીવરાજ હોસ્પિટલ અને એપીએમસી ચાર રસ્તા તરફ જઇ શકશે.
