અલથાણમાં મધરાત્રે એક બંગલામાંથી પોલીસે દારૂ મહેફિલ પકડી પાડી છે.ખટોદરા પોલીસના મહેશ ચૌધરી અને ધર્મન્દ્રસિંહ ડોડીયાને બાતમી મળી હતી કે, અલથાણ સેકન્ડ વીઆઈપી રોડ પર બાલાજી બંગ્લોઝના એક બંગલામાં દારૂની મહેફિલ ચાલે છે.
જેના આધારે શુક્રવારે મોડીરાત્રે પોલીસે બંગલામાં રેડ કરતા 10 વેપારીઓ દારૂની મહેફિલ માણતા પકડાયા હતા.
પોલીસે બંગલામાંથી 3 દારૂની બોટલો અને એક હુક્કો, સહિતનો સામાન કબજે કર્યો હતો.
બંગલામાં ભાડેથી રહેતા આર્કિટેક ધ્રુપદ રાઠોડે મિત્રો સાથે દારૂની પાર્ટીનું આયોજન કર્યું હતું.
મોડીરાત્રે ખટોદરા પોલીસે ફરિયાદ લેવાની તજવીજ શરૂ કરી છે.
પકડાયેલા આરોપીઓ આર્કિટેક, કાપડ વેપારી, ફોટોગ્રાફી, સહિતના અલગ અલગ વેપાર ધંધાઓ સાથે સંકળાયેલા છે.
