વડોદરાના ભરચક વિસ્તાર ગણાતા માંડવી રોડ પર આવેલી ઘડિયાળી પોળમાં એક જ્વેલર્સની દુકાને અચાનક બ્લાસ્ટ થતા અફરાતફરીનો માહોલ સર્જાયો હતો. દુકાનમાં આવેલ ગેસના બોટલમાં લિકેજને કારણે બ્લાસ્ટ થયો હતો. બ્લાસ્ટમાં ચાર થી પાંચ શખ્સોને નાનીમોટી ઇજાઓ પહોંચી છે.વડોદરાની ઘડિયાળી પોળમાં અલંકાર જ્વેલર્સ નામની દુકાનમાં બપોરના સમયે બ્લાસ્ટ થયો હતો અને બ્લાસ્ટમાં દુકાનના માલિક સહિત ગ્રાહકો પણ દાઝ્યા હતા. સોની કામ માટે મૂકવામાં આવેક ગેસના બોટલમાં લિકેજ થતા આગને લીધે દુકાનમાં બ્લાસ્ટ થયો હતો. બ્લાસ્ટને કારણે દુકાનના કાચ દૂર દૂર સુધી ઉડ્યા હતા. આજે રવિવાર હોવાથી જ્વેલર્સની દુકાનમાં ખરીદારી માટે ભારે ભીડ હતી. ફાયર બ્રિગેડે ઘટના સ્થળે પહોંચીને રેસ્ક્યૂની કામગીરી આરંભી હતી. ઇજાગ્રસ્તોને સારવાર માટે સયાજી હોસ્પિટલમાં ખસેડવામાં આવ્યા હતા.
