રાજ્યમાં વધી રહેલા કોરોનાના કહેરના કારણે સુરત અમદાવાદ એસટી રૂટને લઈને આજે એક મહત્વનો નિર્ણય લેવામાં આવ્યો છે. રાજ્યના ST વિભાગ દ્વારા અમદાવાદ-સુરત રૂટની ST અને ખાનગી બસોને આજથી સાત દિવસ બંધ રાખવાનો નિર્ણય લેવામાં આવ્યો છે. કોરોનાને લઈ ઉચ્ચકક્ષાએ મંત્રણા કર્યા બાદ અંતે આ નિર્ણય લેવામાં આવ્યો છે. ખાનગી વાહન, ટ્રક, માલવાહક વાહનો ચાલુ રહેશે.
સુરતમાં કોરોના સંક્રમણ માં ઝડપથી વધારો થતા ઉચ્ચકક્ષાએ આ પરિસ્થિતિની સમીક્ષા કર્યા બાદ છેલ્લા 15 દિવસથી વધુ સમયથી એસટી બસ તેમજ ખાનગી બસોનું સંચાલન અત્યારે બંધ રાખવામાં આવ્યું છે. ત્યારે આવનાર 7 દિવસ ફરીથી ST બસો તેમજ ખાનગી બસોનું સંચાલન બંધ રાખવાનો નિર્ણય કર્યો છે.
