બૉલીવુડ અભિનેતા સુશાંત સિંહ રાજપૂતની અંતિમ ફિલ્મ દિલ બેચારાને લોકોએ ખુબજ પ્રેમ આપ્યો છે. આ ફિલ્મે અનેક રેકોર્ડ તોડ્યા હતા. શુક્રવારે ડિઝની પ્લસ હોટસ્ટાર પર રિલીઝ થયેલ ફિલ્મે એક નવો રેકોર્ડ બનાવ્યો છે. સુશાંત સિંહ રાજપૂતના ફેન્સે તેની ફિલ્મને સૌથી વધુ IMDB રેટિંગ ધરાવનાર ફિલ્મ બનાવી દીધી છે. ફિલ્મ રિલીઝ થયાના થોડા જ કલાકોમાં જ તેનું રેટિંગ 10 માંથી 10 હતું. આ સ્ટોરી લખાઈ રહી હતી ત્યારે 9.8 રેટિંગ છે તેમજ 31,000થી વધુ લોકોએ રેટિંગ આપ્યું છે. અગાઉ આ રેકોર્ડ 1994ની હોલિવૂડ ફિલ્મ ધ શોશેન્ક રિડેમ્પશન ના નામે હતો. તે ફિલ્મનું રેટિંગ 10 માંથી 9.3 છે.
સૌથી વધુ લાઈક મેળવનાર ટ્રેલર
સુશાંત ની દિલ બેચારા ફિલ્મના નામે હજુ પણ એક રેકોર્ડ છે. આ ફિલ્મનું ટ્રેલર યુટ્યુબ પર સૌથી વધુ લાઇક્સ મેળવનાર ટ્રેલર બની ગયું છે. મહત્વનુ એ છે કે, હોલિવૂડ ફિલ્મ એવેન્જર્સ: એન્ડગેમ અને એવેન્જર્સ: ઈન્ફિનિટી વોરનો રેકોર્ડ તોડીને દિલ બેચારા પહેલા નંબર ના સ્થાને છે. ટ્રેલર રિલીઝ થયાના 21 કલાકમાં જ ટ્રેલરને 5.5 મિલિયન એટલે કે 55 લાખ લોકોએ લાઇક કરી દીધું હતું.
સુશાંત ની ફિલ્મ દિલ બેચારા નું અગાઉ નામ કીઝી ઔર મેની રાખવામાં આવ્યું હતું પણ 2019માં ફિલ્મનું નામ બદલીને તેનું નામ દિલ બેચારા રાખવામાં આવ્યું. ફિલ્મમાં સુશાંત મેની નું પાત્ર અને સંજના કીઝી નું પાત્ર ભજવે છે. બૉલીવુડ અભિનેતા સુશાંત સિંહ રાજપૂતે 14 જૂને આત્મહત્યા કર્યા બાદ આ ફિલ્મ ઘણી ખાસ બની છે. લોકોની સાથેસાથે સેલિબ્રિટી પણ ફિલ્મને પૂરતો પ્રેમ આપ્યો. દિલ બેચારા ફિલ્મ ધ ફોલ્ટ ઈન અવર સ્ટાર્સનું અડેપ્ટેશન છે. આ ફિલ્મથી સુશાંતનો મિત્ર તેમજ કાસ્ટિંગ ડિરેક્ટર મુકેશ છાબરાએ ડિરેક્ટર તરીકે ડેબ્યુ કર્યું છે. જ્યારે ફિલ્મની લીડ એક્ટ્રેસ સંજના સાંઘીની પણ આ ડેબ્યુ ફિલ્મ છે. ફિલ્મમાં સૈફ અલી ખાનનો પણ મહત્વનો કિરદાર છે.
