ડાયરેક્ટર રાજકુમાર હિરાની હાલમાં પોતાને નવી ફિલ્મ ‘સંજૂ’ની રિલીઝની તૈયારીઓમાં વ્યસ્ત છે. આ ફિલ્મના ટીઝરને થોડા સમય પહેલાં જ રીલીઝ કરવામાં આવ્યું છે અને દર્શકો દ્વારા તેને ખૂબ પસંદ કરવામાં આવી રહ્યું છે. આઉટલુકને આપેલા એક ઇન્ટરવ્યૂમાં આ ફિલ્મના મુદ્દે વાત કરતાં જ્યારે તેમને ‘મુન્નાભાઇ’ની સીરીઝ વિશે પૂછવામાં આવ્યું તો તેમણે કહ્યું હતું કે “અમે ફિલ્મ માટે ઘણું બધુ લખી દીધું હતું પરંતુ તે ‘મુન્નાભાઇ’ના પહેલાં બે પાર્ટની બરાબરીના ન હતા. તેથી અમે તે વાર્તાને આગળ વધારી શક્યા નહી. જોકે હવે મારી પાસે એક એવો વિચાર છે, જેના પર અમે ફિલ્મ બનાવી શકીએ છીએ”. આમ ‘મુન્નાભાઇ’ની સીરીઝ પર તેમણે ઓલરેડી કામ શરૂ કરી દીધું છે.
