જમ્મુ-કાશ્મીરના પોલીસ વડા એસપી વૈદ્યના જણાવ્યા પ્રમાણે શોપિયાંના જૈનાપુર વિસ્તારમાં આવેલા બડીગામમાં આતંકવાદીઓ છુપાયા હોવાની સૂચના સુરક્ષાબળોને મળી હતી. આ સુચનાના આધારે સુરક્ષા બળોએ આજે રવિવારે જ સવારે સમગ્ર વિસ્તારને ઘેરી લીધો હતો અને તપાસ અભિયાન હાથ ધર્યું હતું. આતંકવાદીઓએ જવાનો પર ગોળીબાર શરૂ કરી દેતા આ તપાસ અભિયાન સશસ્ત્ર અથડામણમાં ફેરવાઈ ગયું હતું. જવાનોએ સ્થિતિ સંભાળી સામે ગોળીબાર શરૂ કર્યો હતો જેમાં પાંચ આતંકીઓ ઠાર થયા હતા.
