નવજોત સિંહ સિદ્ધુએ પંજાબ કોંગ્રેસ અધ્યક્ષ પદેથી રાજીનામું આપ્યું ત્યારથી અર્ચના પૂરણ સિંહ ચર્ચામાં છે. આવી સ્થિતિમાં, ધ કપિલ શર્મા શોના ચાહકો જાણવા માટે આતુર છે કે સિદ્ધુ હવે કપિલના શોમાં પરત ફરશે કે નહીં. આ અંગે સોશિયલ મીડિયા પર ઘણી રમુજી મીમ્સ પણ શેર કરવામાં આવી રહી છે, જેમાંથી કેટલીક અર્ચના પુરણ સિંહે પણ તેના ઇન્સ્ટાગ્રામ હેન્ડલ પર શેર કરી છે. હવે નવા રિપોર્ટમાં એવી બાબત બહાર આવી રહી છે.
જે તમને આશ્ચર્યચકિત કરી શકે છે. અર્ચનાએ આગળ કહ્યું, ‘જો સિદ્ધુ, કપિલ શર્મા શો પર પાછા આવે તો મારે ઘણું કરવાનું છે જે હું ઘણા મહિનાઓથી ના પાડી રહી હતી. હવે કારણ કે હું આ શોમાં આવતી હતી, હું મુંબઈની બહાર કે દેશની બહાર શૂટિંગ માટે જઈ શકતી ન હતી. છેલ્લા કેટલાક મહિનાઓમાં, મને ઘણા પ્રોજેક્ટ્સની ઓફર મળી જેનું શૂટિંગ લંડનમાં થવાનું હતું, પરંતુ મારે આ શોને લગતી પ્રતિબદ્ધતાઓ હોવાને કારણે તેમને ના પાડવી પડી.
