ચીનના પૂર્વોત્તર વિસ્તારમાં શરૂ થયેલુ વિજળી સંકટ હવે વધતુ જઈ રહ્યુ છે. પરિસ્થિતિ એટલી ખરાબ છે કે કેટલીક ફેક્ટરીઓ, મોલ, દુકાનો બંધ કરવી પડી રહી છે અને ઘરમાં લોકોને મુશ્કેલી થઈ રહી છે. કોલસાના સપ્લાયમાં આવી રહેલી મુશ્કેલીના કારણે ચીનના પૂર્વોત્તર વિસ્તારમાં કેટલાક દિવસથી વિજળી સંકટ પેદા થયુ છે. ચીનમાં મેન્યુફેક્ચર્સની વધતી ડિમાન્ડની વચ્ચે કોલસા સપ્લાય પર અસર પડી છે, કોલસાના ભાવ પણ ઘણા વધી ગયા છે. એવામાં વિજળી સંકટ પેદા થઈ ગયુ છે. આના કારણે એપલ, ટેસ્લા જેવી કંપનીઓ ફેક્ટરીઓ પણ બંધ થવાની કગાર પર આવી ગઈ છે. ચીન માટે સૌથી મોટુ સંકટ એ છે કે મેન્યુફેક્ચરિંગ પર મોટી અસર પડી છે કેમ કે ફેક્ટરીઓને તેમની જરૂર અનુસાર વિજળી મળી રહી નથી. ચીનના આ વિસ્તારમાં ઠંડી પણ વધારે છે એવામાં વહીવટીતંત્રની સામે પડકાર એ પણ છે કે લોકોને વિજળી આપવામાં આવી શકે, જેથી ઠંડીમાં મુશ્કેલી ના આવે.
