ઇંગ્લેન્ડ ક્રિકેટ ટીમના વિકેટકીપર બેટ્સમેન જોસ બટલરનું ઘર ફરી એકવાર ખુશીના માહોલમાં ફેરવાયું છે. આ મજબૂત ક્રિકેટર ફરી પિતા બન્યો છે, જેની જાહેરાત તેની આઈપીએલ ટીમ (IPL team)રાજસ્થાન રોયલ્સે કરી હતી.
આવા સમયે પત્ની સાથે સમય વિતાવવાને કારણે બટલરે ભારત સામે રમાઈ રહેલી ટેસ્ટ સીરિઝ (Test series)ની ચોથી અને પાંચમી ટેસ્ટ મેચમાંથી ખસી જવાનો નિર્ણય કર્યો છે. આ જ કારણ હતું કે, તેણે આઈપીએલ -14 ની બાકી સિઝનની મેચોમાંથી પણ ખસી જવું પડ્યું હતું. બટલર IPL માં રાજસ્થાન રોયલ્સ (Rajasthan Royals)તરફથી રમે છે.
બટલરનાં ઘરે પુત્રીનો જન્મ તેમની આઈપીએલ ટીમે તેમના ઇન્સ્ટાગ્રામ પર બટલરના કેટલાક ફોટા પણ પોસ્ટ કર્યા છે. બટલરે પોતાની પુત્રીનું નામ મેગી રાખ્યું છે. ફોટો પોસ્ટ કરતાં ફ્રેન્ચાઇઝીએ લખ્યું, “જોસને એક દીકરી છે. રોયલ્સ પરિવારમાં મેગીનું સ્વાગત છે.’ તેમની પ્રથમ પુત્રી જ્યોર્જિયા રોઝ નો જન્મ એપ્રિલ 2019માં થયો હતો.
રાજસ્થાન ટીમે અભિનંદન પાઠવ્યા
આઈપીએલની 14મી સીઝન ભારતમાં આયોજીત કરવામાં આવી રહી હતી પરંતુ કોલકત્તા નાઈટ રાઈડર્સ અને ચેન્નાઈ સુપર કિંગ્સ કેમ્પમાંથી કોવિડ -19 પોઝિટિવ કેસ નોંધાયા બાદ મે મહિનાના પહેલા સપ્તાહમાં તેને રોકી દેવામાં આવી હતી.
હવે આ લીગ 19 સપ્ટેમ્બરથી યુએઈમાં શરૂ થઈ રહી છે. સિઝનના પહેલા ચરણમાં બટલરે રાજસ્થાન માટે સાત મેચ રમી હતી. આમાં તેણે એક સદી સહિત કુલ 254 રન બનાવ્યા હતા. તે જ સમયે, બટલરે ભારત સામે રમાયેલી ત્રણ ટેસ્ટ મેચમાં 0, 17, 23, 25, 7 રન બનાવ્યા હતા.
