અમદાવાદના કાળુપુરમાં ભંડેરીની પોળમાં શુક્રવારે સવારે એક મકાન ધારાશાયી થયું છે. મકાન ધરાશાયી થતા તેના કાટમાળ નીચે દટાયેલા એક યુવકને બહાર કાઢવામાં આવ્યો હતો. ઈજાગ્રસ્ત યુવકને સારવાર માટે હોસ્પિટલ ખસેડવામાં આવ્યો છે. અગાઉ બે યુવકોને કાટમાળ નીચેથી બહાર કાઢવામાં આવ્યા હતા.
કાળુપુરમાં ભંડેરીની પોળ પાસે એક જર્જરીત મકાન ધરાશાયી થયું હતું. અમદાવાદમાં પોળમાં અનેક મકાનો જર્જરીત હાલતમાં હોવાથી તે તૂટી પડવાના બનાવો બનતા રહે છે. શુક્રવારે સવારે ભંડેરી પોળમાં એક મકાન ધરાશાયી થયું હતું. સાંકડી ગલી હોવાથી રેસ્ક્યૂ કામમાં પણ મુશ્કેલી પડી હતી.
સ્થળ પર હાજર લોકોના જણાવ્યા મુજબ મકાનના કાટમાળ નીચે એક યુવક દટાયો હતો જેને ઈજા થઈ હતી. યુવકને તાત્કાલિક સારવાર માટે હોસ્પિટલ ખસેડવામાં આવ્યો હતો. આ અગાઉ પણ બે યુવકોને કાટમાળ નીચેથી બહાર કાઢવાની કામગીરી હાથ ધરાઈ હતી. ફાયરને આ અંગે જાણ કરાતા ફાયરની ટીમ પણ ઘટનાસ્થળે પહોંચી હતી અને કાટમાળ ખસેડવાની કામગીરી શરૂ કરવામાં આવી હતી.
