કરણ જોહરે તેની આગામી ફિલ્મની જાહેરાત કરી છે. કરણ જોહરની આગામી ફિલ્મ ‘રોકી ઔર રાની કી પ્રેમ કહાની’ હશે, જેમાં આલિયા ભટ્ટ અને રણવીર સિંહ મુખ્ય ભૂમિકામાં હશે. ફિલ્મમાં રણવીર સિંહ રોકીના પાત્રમાં જોવા મળશે, જ્યારે આલિયા ભટ્ટ રાનીના રોલમાં નજરે પડશે. આ બન્ને ઉપરાંત કેટલાક સ્ટાર્સ ફિલ્મમાં મહત્વની ભૂમિકા ભજવતાં જોવા મળશે.
મીડિયા રિપોર્ટ્સ અનુસાર, આ ફિલ્મમાં રણવીર અને આલિયા ઉપરાંત ધર્મેન્દ્ર, શબાના આઝમી અને જયા બચ્ચન પણ મહત્વપૂર્ણ ભૂમિકામાં જોવા મળશે. એક સૂત્રનું માનીએ તો, ફિલ્મમાં ધર્મેન્દ્ર અને શબાના આઝમી આલિયાના ગ્રાન્ડપેરેન્ટ્સના રોલમાં જોવા મળશે. જ્યારે જયા બચ્ચન, રણવીર સિંહના ગ્રાન્ડમધરના પાત્રમાં જોવા મળશે. રણવીર સિંહે તેના જન્મદિવસે ઇન્સ્ટાગ્રામ પર પોતાની આગામી ફિલ્મ ‘રોકી ઔર રાની કી પ્રેમ કહાની’નું ટીઝર શેર કર્યું છે.
