અત્યાર સુધીમાં 14894 પોઝિટિવ કેસ નોંધાયા

કોરોનાની બીજી લહેર સમાપ્ત થવાના આરે છે. રાજકોટ સહિત રાજ્યમાં કોરોનાના કેસ ઘટીને તળિયે પહોંચી ગયા છે. ત્યારે કર્ફ્યુ સહિતના મુદ્દે સરકારે થોડી છૂટછાટ આપી છે.

ત્રીજી લહેર આવવાની સંભાવના વૈજ્ઞાનિકોએ વ્યક્ત કરી છે પરંતુ છૂટછાટનો લાભ લઈને લોકો રેસકોર્સ, ઝૂ અને આજીડેમ સહિતના ફરવાના સ્થળે મોટી સંખ્યામાં બાળકો સાથે ઊમટી પડ્યા હતા. રાજકોટ શહેર અને જિલ્લામાં રવિવારે 9 પોઝિટિવ દર્દીઓ નોંધાયા હતા.

રાજકોટ મહાનગરપાલિકાના આરોગ્ય વિભાગે જાહેર કરેલા આંકડા મુજબ શહેરમાં 8 પોઝિટિવ કેસ નોંધાયા હતા અને હાલ 142 એક્ટિવ કેસ છે. રાજકોટમાં અત્યાર સુધીમાં 43696 પોઝિટિવ કેસ નોંધાયા છે.  રવિવારે 864 ટેસ્ટ કરવામાં આવ્યા હતા તેમાંથી માત્ર 1 વ્યક્તિનો રિપોર્ટ પોઝિટિવ આવ્યો હતો.

રાજકોટ જિલ્લામાં હાલ 14 એક્ટિવ કેસ છે જેમાંથી 3 દર્દી હોસ્પિટલમાં સારવાર લઇ રહ્યા છે, 9 ઘરે અને બે આરોગ્ય કેન્દ્ર પર સારવાર લે છે. રાજકોટ જિલ્લામાં અત્યાર સુધીમાં 14894 પોઝિટિવ કેસ નોંધાયા છે.

Leave a Reply

Your email address will not be published. Required fields are marked *