કચ્છ જિલ્લામાં આજે દારુની પેટીઓ ભરેલી એક ટ્રક પલ્ટી ખાઈ જતાં રસ્તા પર દારુની નદી વહી હતી. આખી ટ્રકમાં દારુના ખોખા ભરેલા હતા, જે વેરવિખેર થઈને રસ્તા પર પડતાં ચારે તરફ દારુની બોટલો વેરાઈ ગઈ હતી. જેમાં અનેક બોટલો ફૂટી જતાં આખા વિસ્તારમાં દારુની વાસ પ્રસરી ગઈ હતી. લોકો પણ રસ્તા પર દારુ વેરાયેલો જોઈ મોટી સંખ્યામાં એકત્ર થઈ ગયા હતા. પ્રાપ્ત વિગતો અનુસાર, પોલીસ આ ટ્રકનો પીછો કરી રહી હતી ત્યારે જ આ દુર્ઘટના બની હતી.
