કોરોના મહામારીમાં મૃત્યુ પામેલ લોકોને શ્રધ્ધાંજલિ અર્પણ કરવા માટે જામનગર શહેર-જિલ્લા કોંગ્રેસ સમિતિ દ્વારા પ્રાર્થના સભા તેમજ રક્તદાન કેમ્પનું આયોજન કરવામાં આવ્યું હતું. જેમાં કોંગ્રેસના હોદેદારો, કાર્યકરોએ ઉપસ્થિત રહી રક્તદાન કરી કોરોનામાં મૃત્યુ પામેલ લોકોને શ્રધ્ધાંજલિ અર્પણ કરવામાં આવી હતી.તાજેતરમાં વૈશ્ર્વિક કોરોના મહામારીની અત્યંત વિકટ પરિસ્થિતિમાં અનેક લોકો મૃત્યુ પામ્યા હતા. ખાસ કરીને ગુજરાતમાં પણ કોરોનાએ અનેક લોકોનો જીવ લીધો છે, ત્યારે ગુજરાત પ્રદેશ કોંગ્રેસ સમિતિના પ્રમુખ અમિત ચાવડાના માર્ગદર્શન મુજબ, કોરોના મહામારીમાં મૃત્યુ પામેલા લોકોને શ્રધ્ધાંજલિ અર્પણ કરવા માટે પ્રાર્થના સભા તેમજ રક્તદાન કેમ્પનું જામનગર શહેર-જિલ્લા કોંગ્રેસ સમિતિ દ્વારા આયોજન કરવામાં આવ્યું હતું.
