બનાસકાંઠાના પાલનપુરમાં 15 મેના રોજ મુખ્યપ્રધાન વિજય રૂપાણી મુલાકાતે જઈ રહ્યા છે ત્યારે પાલનપુરમાં મુખ્યપ્રધાનના આગમનની તૈયારીઓ ચાલી રહી છે. મુખ્યપ્રધાનના આગમનની તૈયાઓને લઈને સીએમના સુરક્ષા સ્ટાફે કલેક્ટર કચેરીની મુલાકાત લીધી હતી. કોરોનાના વધતા જતા કેસો અટકાવવા માટે સરકારે શહેરોમાં આંશિક લોકડાઉન લગાવી દીધુ છે. છતાં હજી કોરોનાના કેસો સતત વધી રહ્યા છે. ત્યારે મુખ્યપ્રધાન જિલ્લા તંત્ર સાથે સમીક્ષા બેઠક યોજીને કોરોનાની કામગીરીનો તાગ મેળવશે.
