નિરવ મોદી દ્વારા પંજાબ નેશનલ બેન્કમાં આચરાયેલા કૌભાંડ મામલે વડોદરામાં સ્થાયી થયેલા અલહાબાદ બેન્કનાં પૂર્વ ડાયરેક્ટર દિનેશ દુબેએ મિડીયા સમક્ષ નિવેદન આપતાં જણાવ્યું હતું કે, 1 ઓગષ્ટ 2012ના રોજ મારી અલ્હાબાદ બેંકના ડાયરેક્ટર તરીકે નિયુક્તિ થઈ હતી. બાદમાં દિલ્હીની રેડિસન હોટલમાં યોજાયેલી એમસી-બીઓડીની મિટીંગમાં હું ભાગ લેવા માટે ગયો હતો. જેમાં એક એજન્ડા એ પણ હતો કે, ગીતાંજલી જ્વેલર્સના માલિક મેહુલ ચોક્સી છે. જેમને 1500 કરોડની લોન રિસ્ટક્ચર કરવામાં આવે. અને 50 કરોડની નવી લોન આપવમાં આવે.
