ભારત-પાકિસ્તાન સરહદ પર 5 પાકિસ્તાની ઘૂસણખોરોને BSFના જવાનોએ ઠાર કરી દીધા છે. પંજાબના તરણ તારણથી પાંચ પાકિસ્તાની સરહદ પાર કરવાનો પ્રયાસ કરી રહ્યા હતા. ત્યારે BSFની 47 બટાલિયને પાંચેય ઘૂસણખોરોને ઠાર કરી દીધા હતા.આ ઘૂસણખોરો પાકિસતાની આતંકી છે કે સ્મગલર તે માટે સર્ચ ઓપરેશન હાથ ધર્યું હતું.
આ પહેલા આતંકવાદીઓએ ગુજરાત-રાજસ્થાન સરહદ પરથી ઘૂસણખોરીનો પ્રયત્ન કર્યો હતો. તેને રોકાવાનું કહેવામાં આવ્યું હતું પરંતુ તે બેરીકેડ્સ પાર કરી દોડવા લાગ્યો હતો. જ્યાં ઘુસણખોરીનો પ્રયત્ન કરી રહેલા ઘૂસણખોરોને BSFના જવાનોએ ઠાર માર્યા હતા. આ પહેલા પણ BSFએ પાકિસ્તાન દ્વારા દિવસ દરમિયાન ઘુસણખોરીનો પ્રયાસ નિષ્ફળ બનાવ્યો હતો. જો કે, રાત્રિ દરમિયાન આ ક્ષેત્રમાં ઘુસણખોરી કરવાનો પ્રથમ વખત પ્રયાસ થયો હતો.
