બોલિવૂડના અભિનેતા સોનૂ સૂદ લોકડાઉનના સમય માં રિયલ હિરો બનીને ઉભરી આવ્યો છે. અભિનેતા સોનૂ સૂદે વધુ એક વખત ખુબજ પ્રશંસનીય કામ કર્યું છે. હાલમાં જ અભિનેતા સોનૂ સૂદે અંદાજે 177 છોકરીઓને ઓડિસાથી એરલિફ્ટ કરાવી છે. આ છોકરીઓ અર્નાકુલમની એક લોકલ ફેક્ટ્રીમાં સિલાઈનું કામ કરે છે. અચાનકથી લોકડાઉન થવાથી ફેક્ટ્રીમાં કામ બંધ થઈ ગયું હતું. એવામાં આ દરેક છોકરીઓ ત્યાં ફસાઈ ગઈ હતી. આ વાતની જાણકારી અભિનેતા સોનૂ સૂદને તેના મિત્ર દ્વારા મળી હતી.
ત્યારબાદ અભિનેતા સોનું સુદે થોડો પણ સમય વેડફયા વગર અર્નાકુલમાં ફસાયેલી 177 છોકરીઓને સુરક્ષિત પોતાના ઘરે ઓડીસા પહોચડવાની કામગીરી પૂરી પડી હતી. અભિનેતાએ કોચ્ચી અને ભુવનેશ્વર એયરપોર્ટને ચાલુ કરવા માટે સરકારની પરમિશન લીધી છે. અને દરેક છોકરીને સુરક્ષિત તેના ઘર સુધી પહોંચાડી છે. તેમના આ કામની પણ ખુબ જ પ્રસંશા કરવામાં આવી. કેટલાક લોકો અભિનેતાને આશિર્વાદ આપી રહ્યા છે.
બૉલીવુડ અભિનેતા સોનું સુદ જરૂરીયાતમંદ લોકો માટે ભગવાનનું રૂપ બનીને આવ્યો છે. તેમણે એક, બે, પાંચ નહીં પણ હજારો લોકોની મદદ કરી છે. અભિનેતા સોનું સુદે લોકડાઉનમાં જરૂરીયાદ મંદ લોકોની રહેવાથી લઈને જમવા સાથેની સુવિધાઓ પૂરી પાડી હતી. તે ઉપરાંત હજારો લોકોને પોતાના ઘર પરિવાર પાસે પોતાના વતનમાં પહોંચાડવાની જવાબદારી પણ લીધી હતી. અને આ જવાબદારી તેમણે બખૂબી નિભાવી છે. લોકડાઉનના સમયમાં પોતાના પરિવાર અને ઘરથી દૂર ફસાયેલા લોકોને તેમના ઘરે પહોચડવા માટે સોનુ સૂદ અને તેમની ટીમ રાત દિવસ મહેનત કરતી હતી. અભિનેતાની આ કામગીરી દ્વારા દેશભરના લોકોના દિલ જીતી લીધા છે.
રિયલ હીરો સોનું સુદે જાહેર કર્યો ટોલ ફ્રી નંબર
આ સમયે સોનૂ સૂદની પાસે સોશિયલ મીડિયા દ્વારા બહુ બધા લોકો મદદની માગ કરી રહ્યા છે. આ દરમિયાન હાલમાં જ અભિનેતાએ એક ટોલ ફ્રી નંબર જાહેર કર્યો છે. જેના દ્વારા લોકોને મદદ મળશે.
