ડાન્સ ઇન્ડિયા ડાન્સ ફેમ ધર્મેશ સર પોતાની ડાન્સ વર્કશોપ માટે અમદાવાદના મહેમાન બન્યા છે. તેમણે સ્ટાર ન્યુઝ સેવન સાથે થયેલી વાતચીતમાં જણાવ્યું હતું કે અમદાવાદમાં આ મારી પહેલી વર્કશોપ છે. મારી ડાન્સની કારકિર્દીની શરૂઆત પણ મેં અમદાવાદથી જ કરેલી. ડાન્સ ઇન્ડિયા ડાન્સનું પહેલું ઓડીશન પણ મેં અમદાવાદમાં જ આપેલું એટલે જયારે પણ અમદાવાદ આવું ત્યારે ઘણું સારું લાગે છે. અમદાવાદના લોકો તરફ થી આ વર્કશોપને ખુબ જ સારો આવકાર મળ્યો છે. તેમાં ઘણા અમદાવાદની બહારથી આવેલા લોકો પણ છે. ઓડીઅન્સનો જુસ્સો જોઇને મને પણ આનંદ થાય છે. પહેલા ચેનલ્સમાં એટલા બધા રીયાલિટી શો નહોતા આવતા પણ હવે લગભગ દરેક ચેનલ પર ડાન્સ પ્રોગ્રામ્સ આવે છે, મારા મતે તેમાં ભાગ લેતા દરેક વ્યક્તિને સપોર્ટ કરવો જોઈએ. દરેક ટેલેન્ટને પ્રોત્સાહન મળવું જોઈએ.
