બોલીવુડ અભિનેતા શાહિદ કપૂરનું નામ દાદા સાહેબ ફાળકે એવોર્ડમાં ઉમેરાયું છે. ફિલ્મ પદ્માવતના પાત્ર માટે આ સમ્માનથી નવાજવામાં આવશે. આ ફિલ્મમાં શાહિદ કપૂરે રાજા રતન સિંહનું નાનું પણ મહત્વનું પાત્ર ભજવ્યું હતું. આ જ પાત્ર માટે તેનું નામ દાદા સાહેબ ફાળકે એવોર્ડ માટે જાહેર કરવામાં આવ્યું છે. આ ઉપરાંત આ ફિલ્મ માં સુલતાન અલાઉદ્દીન ખીલજી નું પાત્ર ભજવી રહેલા રણવીર સિંહ ને પણ આજ ફિલ્મ માટે એવોર્ડ મળવાનો છે તેવા અહેવાલ મળ્યા હતા.
અભિનેતા શાહિદ કપૂરને આ પુરસ્કાર મળવાથી તેની આ કારકિર્દીમાં ફાયદો થાય તેવી શક્યતા છે.શાહિદ કપૂર એક સારો અભિનેતા છે. અને શાહીદ કપૂર અભિનયમાં ટોચ પર છે, પરંતુ તેની ગણના ટોચના કલાકારોમાં નથી થતી. જોકે દાદા સાહેબ ફાળકે પુરસ્કાર મળવાથી શાહિદની કારકિર્દીને ઝડપ મળશે તેવી ચર્ચા થઇ રહી છે.
આ ઉપરાંત, શાહિદ કપૂર તેની આગામી ફિલ્મ ‘બત્તિ ગુલ મીટર ચાલુ’ની શૂટિંગ કરી રહ્યા છે, આ ફિલ્મમાં તેમની સાથે શ્રદ્ધા કપૂર પણ છે. શાહિદ કપૂર આ ફિલ્મમાં વકીલની ભૂમિકા નિભાવી રહ્યા છે, જે વીજળીની અછત અને વીજળીના બીલની અચોકસાઇઓના મુદ્દે ફરે છે.
